Borgum hana áður en hún kemur í búðina!!

Smásöluverðið á mjólk hérna á Íslandi segir nú ekki alla söguna. Hvað ætli við séum búin að borga mikið fyrir hvern mjólkurlítra með sköttum og óbeint vegna verndartolla og vörugjalda á innfluttar mjólkurafurðir? Meðan að bændur eru að fitna á ríkisspenanum hagræða þeir ekki í rekstri. Svo einfalt er það!

Mjólk ódýrari hérlendis en í Bretlandi

Fagna því að íslenskir ráðamenn séu að meirna?

Er það ekki bara málið? Er ekki bara verið að horfa fram hjá vísindalegum staðreyndum um stöðu hvalastofna og nauðsyn friðunar til að kaupa sér frið frá mótmælendum? Maður semur ekki við hryðjuverkamenn!!!

Skotar fagna ákvörðun um að gefa ekki út hvalveiðikvóta

Of uppteknir við að spila rassinn úr buxunum

Auðvitað áttu þeir að skora fleiri mörk og auðvitað eiga þeir að vinna fleiri leiki. Til þess eru þeir í þessu. Það er hins vegar staðreyndin að þeir eru þess ekki megnugir. Nú er ég endanlega hættur að reyna að fylgjast með þessari leiðinlegu íþrótt. Það hlýtur að vera hægt að sjá krull, eða eitthvað meira spennandi en knattspyrnu, á einhverri af erlendu sjónvarpsstöðvunum.

Eyjólfur: „Ég er ekki sáttur við eitt stig“

Allir að skella sér á völlinn að styðja lélegasta knattspyrnulið Evrópu!

Þetta er nú meiri íþróttin. Að hlaupa á eftir bolta og reyna eftir fremsta megni að slasa hver annan þannig að það líti út fyrir að vera óvart. Það verður seint sagt að íþróttamennskan sé í fyrirrúmi í fótboltanum. Þetta væri kannski skárra ef menn yrðu að klára eitthvað nám til að komast í úrvalsdeild eins og í NBA körfuboltanum.

Íslendingar og Spánverjar skildu jafnir, 1:1

Mætti nú alveg spartla í þær sumar

Í mínum huga er þetta ekkert ósvipað því að hafa góðan talanda. Ef stjórnmálamenn eru sæmilega mæltir á íslenskt mál þá á ég auðveldara með að meðtaka efnislegt innihald þess sem þeir eru að segja. Ég hnýt hins vegar um ambögur og missi þráðinn þegar ég byrja að bölsótast yfir mismæli. Það er eins með bólur og bjúg, þær leiða hugann frá málefnunum. Hvet íslenskar stjórnmálakonur til að gefa sér meiri tíma í útlitið og gera sömu kröfur til sín og stjórnmálakonur í viðmiðunarlöndunum. Ég gæti líka trúað því að stjórnmálamennirnir hefðu ekkert á móti því að fá að sitja aðeins lengur í stólnum hjá Elínu.

Útlitskröfur íslenskra stjórnmálakvenna ekki miklar