Borgum hana áður en hún kemur í búðina!!

Smásöluverðið á mjólk hérna á Íslandi segir nú ekki alla söguna. Hvað ætli við séum búin að borga mikið fyrir hvern mjólkurlítra með sköttum og óbeint vegna verndartolla og vörugjalda á innfluttar mjólkurafurðir? Meðan að bændur eru að fitna á ríkisspenanum hagræða þeir ekki í rekstri. Svo einfalt er það!

Mjólk ódýrari hérlendis en í Bretlandi

Athugasemdir

[Ásmundur Daðason (IP-tala skráð) 12.9.2007 kl. 20:48]

Þú ættir að kynna þér þau hugtök sem þú ert að nota. Verndartollar og vörugjöld hafa ekki áhrif á Verð á líter mjólkur í bretlandi miðað við á Íslandi! Hinsvegar er rétt að íslenskir bændur eru studdir af ríkinu en kynntu þér hvernig þeim málum er háttað í Bretlandi einnig áður en málum er slegið fram. Þessar fáu setningar sem þú hefur sett fram einkennast greinilega af verulegu þekkingarleysi á viðfangsefninu!

[hræsnari, 12.9.2007 kl. 22:22]

Að sjálfsögðu hafa verndartollar og vörugjöld ekki áhrif á krónutölurnar, en það er hins vegar kostnaður sem við berum, hvort sem við kaupum mjólkina eða ekki. Við borgum tolla af öllum mjólkurvörum sem við kaupum erlendis frá af því að íslenskir mjókurbændur ráða ekki við samkeppnina öðruvísi. Við höfum því ekki það val sem við ella hefðum. Þar við bætist að tollkvótaútboð hafa verið eyðilögð af íslenskum bændum undanfarið, til að forða því að hægt sé að flytja erlenda búvöru til landsins á viðráðanlegu verði. Varðandi ríkisstuðningi við íslenskra bændur þá var verðmæti núgildandi búvörusamnings 27 miljarðar miðað við vísitölu janúar 2007. Það eru c.a. 32,5 milljarðar á núvirði. Ef styrkir breskra stjórnvalda komast í hálfkvist við íslenskar beingreiðslur vegna greiðslumarks í mjólk þá skal ég glaður játa það að staðan þar sé jafn ömurleg og hér. Vinsamlega upplýstu mig ef svo er og leyfðu annarra að njóta innsýnar þinnar og þekkingar.