Axlar ekki frekar ábyrgð en Axlar-Björn gerði

Ef manni er hent út úr partýi fyrir að vera með slagsmál, en laumast aftur inn með því að dýrku upp glugga, er hann þá búinn að axla ábyrgð á gjörðum sínum? Axla menn ábyrgð með því að vera reknir? Einhvern vegin finnst mér Villti tryllti Villi ekki vera að átta sig. Kannski hefur hann ekki stöðuumboð til þess að axla ábyrgð þar sem hann er ekki borgarstjóri lengur.

Vilhjálmur: Hef axlað ábyrgð

Tan Crew teygir anga sína víða

Ég fæ ekki betur séð en Guðmundur Þóroddsson hafi verið duglegur að stunda ljósabekkina. Maðurinn er alveg suddalega brúnn og flottur. Hann þarf þó væntanlega ekki að ræna sjoppur til að borga í ljós, enda vaðandi í kaupréttum, valréttum og eftirréttum.

Bjarni: fer skaðlaus frá borði

Ekki fer milljónin í nærbuxur

Það hlýtur að hafa verið hart í ári hjá henni undanfarið. Í það minnsta benda myndir sem birtar eru í öllum smekklegri fjölmiðlum landsins til þess að hún eigi ekki fyrir því að kaupa sé klof-bót.

Britney kaupir föt fyrir milljón á mánuði

Getuleysi lögreglunnar?

Hvenær ætla lögreglan að fara að taka almennilega á þessum innflutningi. Það er ekki eins og við séum á meginlandi Evrópu, þ.a. við ættum að hafa smá forskot við að stemma stigu við innflutningi. Ég segi að menn eigi að berja sér minna á brjóst út af smá ávinningum, eyða minni tíma í að velta sér upp úr eigin dýrð á fjölmiðlafundum og reyna að vinna bara vinnuna sína.

Amfetamínfíklum fjölgar

Afjhjúpun dýrðarinnar

Stórskemmtilegt augnablik þegar lögreglan svipti hulunni af meistarastykkinu. Heiðursverðir stóðu sinn hvorum megin við borðið og íslenski fáninn blakti í bakgrunninum. Gaman að lögreglan skuli hafa svona gott auga fyrir leikrænni framsetningu á fréttamannafundum. Næst vona ég að Stefán Eiríksson sýni listir sínar á einhjóli á meðan Jón H.B. heldur á lofti þremur e-töflupokum.

Rúmlega sextíu kíló af amfetamíni og e-töflum

Ósóneyðingin að setja allt í vitleysu

Þannig að við getum búist við jafnvel enn skemmtilegri nærfatatísku ef áfram heldur sem horfir.

Afar óvenjulegt að snjó festi sunnanlands um miðjan september

Þetta gerist þegar menn reyna að friða hryðjuverkamennina

Borgar sig ekki að gefa svona brjálæðingum neitt eftir. Hvalir eru ekki í útrýmingarhættu frekar en lömb. Þó að veiðarnar séu ekki arðbærar er ekki þar með sagt að það eigi að banna þær. Þá þyrftum við nú líka að banna sauðfjárræktina. Þessi ákvörðun að heimila ekki hvalveiðar er til þess eins að sleikja upp þrýstihópa.

Sökktu norskum hvalbát til að fagna lokum hvalveiða á Íslandi

Burj-bel turninn?

Er þetta ekki orðin vitleysa? Þessi stórhýsi eru farin að breyta veðurfarinu í heilu hverfunum um kring og auka skjálftavirkni á stærðarinnar svæðum.

Burj-turninn í Dubai orðinn hæsta bygging í heimi

Markmiðinu náð

Það var nú ágætt. Skref í rétta átt. Gott dæmi um að það má ná árangri í jafnréttismálum án þess að beita sértækum aðgerðum, en veita mönnum og konum í stað jafnan rétt. Enga frekju, bara sanngirni.

Karlarnir aldrei meira með börnin

En vandró

Bjánalegasta fjölmiðlafár mánaðarins er fundið. Þetta sést varla og auglýsingin er búin að skila sínu. Svo eru einhverjir launþegar Vodafone að láta eins og þetta sé eitthvað mál. Skiptir mig sem óháðan neytanda farsímaþjónustu engu máli. Það var Síminn sem skammtaði mér skemmtunina. Til að gæta fyllsta sannmælis þá vil ég taka fram er ég með minn gsm hjá Símanum, eins og Jesú. Júdas virðist hafa gert samning við Vodafone.

Merki Vodafone sást í Símaauglýsingunni